曾比特 MIKE
披荊斬棘 下一站啟德
個個都想獨立，唔通個個都可以獨立咩？近年「獨立歌手」湧現，好像成為香港樂壇大趨勢，不被束縛，自己話晒事，不過有辣有唔辣，成功的話，當然肥水不流別人田；反觀Mike曾比特、Gigi炎明熹這兩位當紅的新生代，卻反傳統與唱片公司簽約，點解呢？二○一九年，Mike參加ViuTV《全民造星II》，翌年簽約香港環球，一首《我不如》橫掃頒獎禮新人獎，更快人一步打開內地市場，但Mike坦言自己不適合自立門戶，「除咗唱歌，我其他嘢都唔係特別叻！其實滿約後，有諗過唔再做歌手……」不過，回想當年參加選秀節目的初心，Mike很快便打消這個念頭，一路走來，短短六年間披荊斬棘，簽約新公司，他更立下啟德開騷的目標！